Cordial BAVEGNA a Riom-Parsonz
Tgeras abitantas e tgers abitants da Riom-Parsonz

An nom dalla suprastanza communala Az fatscha en cordial bavegna sen la homepage digl noss cumegn. Nous vagn grond plascheir tgi vous faschez ena visita a nossa website. Ad indigens scu er a giasts da vacanzas mattagn nous a disposiziun ena plattafurma d’infurmaziuns davart noss cumegn. Naturalmaintg pudez er Vusoters communitgier Voss giaveischs, Vossas ideas scu er Vossa critica.


Sen nossa homepage cattez differentas infurmaziuns. Forsa vez interess ve da cefras e factas? Ni lez saveir daple da noss’istorgia? Savevas p.ex. tgi Riom era la capitala da Surses digl taimp da Banadetg Fontana? Ni tg’igl casti Rätia Ampla è nia biagia igl 12avel tschentaner digls signours da Wangen? Vez marveglias scu tg’igl turissem è sa sviluppo ainten la Val Nandro? Tge purscheidas vagn nous oz? Scu stattigl actualmaintg cun las scolas e cun nossas uniuns? Ma forsa lez er angal dar en tgit sen las numerousas fotografias tgi cattez tar igls differents temas?

Nous speragn d’aveir sviglia Voss interess ed Az giavischagn bung divertimaint tar igls «studis» da noss cumegn.

Carmen Dedual
mastrala